Monday, September 17, 2007
lungthim hiselna
LUNGTHIM HISELNA
Northlam te tangval pa
Lungthim hiselna ding ah kithumawp nate haw hin eima mihing kivaipuakna sunga thil chuam leh zatchuam chuama
kihet daw theina leh ki etkawlna dinga eila puihuai sek hi. Tamtak laka ivak gen thei teu chu ahileh damdoi
matsualnate, zu leh sa kichepnate, inn sung kituplo nate, zilna lama te, lungkham na dimzing nate, nisin kimatnate
leh adang dangte hi ahi sek hi. Lungthim damtheina ding lam ah thiamzilna sangtak ala neiten mimal leh pawlpi
ading in aphazawdin ala hawlun, akhual chil un chuleh ala zen sek uh ahi. Tulai khawvel kihei hat dung zui in ihun
leh phat teu hile lungthim hiselna lam ah ki etdik nading leh etkawlnan ila mang man sek lou uh ahi. Eimau lak
ngei inle lungthim hiselna mamaw ma ma hidamna leh zenna ding ngaisak lo leh helo i um ding uh ginchat aum hi.
Eimau le i mimal un vak kien kit leu hin lungthim a idoi leh mamaw bang zat ahem gendawk theilo ah ipmang ziang nei maithei
ihiu. Langkhat lam ah ivak et kit leh "ziate haw gen nadinga tulaitak ahin hun kanei lem chang puai"tihun atam hi.Lungthim
damtheina hi i mimal ah zia khawvel chawldam lo na gam ahin ila gel dawk sek lo uh ahi. Ziahaw ziak ma achun lungthim hiselna
dinga thumawp nate hin bangchan ahem in i mihing lungthim nasepdan hi ala kawkmu in mimal leh pawlpi ading in eila panpi
sek ahi. Banghem khat ati changin le lungthim mamaw ngaisak lo leh hundang, mundang ading ah chawn mang in I hinkhua I
mang tou zel sek uh ahi. Vak gel kit leu hin I lungthim ala khawi mama te kha ahung kilang kit diam?Ahi ila suk dam zawlo leh gel
bei theilo lungthim ah cham zing chu hung kilang kit sek hizawlo ahem. Zia gual ma hin kua hemkhat chu bangtik ahem ah ala
lungkham leh lungzing mama chu nikhat leh ahung kilang sek ahilo leh a nisin hinkhua hi lung nawplo takin amang zosek ahi.
Lungkhamna leh lunggim nate hin bangma lou kal in I nisin hinkhaw eila sugenthei sek ahi. Damdoi lama doctor tamzawten
ahileh lungkham leh lunggim nate etkawl nading in damdawi chu chuam chuam piak ahi sek hi. Khenkhat vang chu
nuam sa taluan doctor te gen sang ah ala mawk nek vaal ziang le aum sek hi. lungthim hisel nadinga nasem khenkhat in
ahi leh damdawite piak kawm in lungkhamna, aziak leh aki patna ala khual chil tou zel uh ahi. Tu ivak gen cheng chun
vang damdawi mangcha’n lungthim hisel lo nate chu ala zen sek uh ahi. Lungthim hisello, hiselna lam ahun masawn na
ding in hawitak ah anatnate khawlchil ah mukawk a, zenei taka etkawl ding zawk ahi. Mihing te hin vang kintaka damdawi
ahem alo leh chiin dan chuam khat ila guanggal sek un, hinla mihiam lunggel hivang adamthien nading ah hiatmil
kei alo leh lungthim sunathei laka pat kepbit apawi maw zaw ahi. Kuama akibang aum lo gual in lung thim hisel lo
natte akibang ngailo ahi, taksa lam hisel lo ziaka lungthim hisello te vang chu damdawi ah etkol hi ala pha pen sek ahi.
Ann nek kituplo ziak, ipmut khawplo ziak, lungnat ziak, haksatna ziak, sawttak apat ala umta natna ziak, gai(vau)na ziak,
kigel khel ziak leh adang dang te hi ahi mihiam lunggel nalampang ala subuai sek. Mihiam buaina asan tou zel gual in
khawvel thepnate le ala khangtou zel hi, zia gual ma chun tulai in, electronic van matchak te mangin lungthim/lunggel nalam
ah thiam na sang tak tak neite tawh mimal ah kimu lou kei inle ala ki enkawl sek uh ahi. Khenkhat chu internet te mangchan
naitaka um khawm gualin abuainateu leh hiatthiam lou nate chu chu ala kikum tua sek uh ahi. Akhenkhat vang in sumdawnnan
mangin nisin hinkhua ah lungthim hisel taka umtheinadi kizikna lekhabu ahem,audio alo leh video le amang sek uh ahi.
Kuama a inn apat ahem, office apat ahem alo leh akhualzin na pat pawt chawn lo ah adawi leh ama maw chu amuthei ta ahi.
Ziagual mahin adang dang sang in adawi leh lungthim sukipakthei chu ahet be un alaak nading le mun tamzawn anei uh ahi.
Lungthim hiselna geldaw theina hawitak umthei na ding in eimau taksa hiselna leh damtheina hi ala pawimaw mama
ahi. Chun i lungthim hiselna dingin i nek leh chak teu hi ahun chet ah nek a, lekhabute sima lungthim hihal kit alo leh
midang toh kihoulim nate hin lunggel ahisel sak hi. Khawvel mite’n vang damdawi ahem, taksa kisawi zawina ahem
in lungthim hiselna ding ahawl sek ui, hinla, eimau gingtue’n vang i thagau lam hiselna hi hemil puai tiu.Eu ading in
lungthim hiselna ding in Pathian lekhabu thiangtho Bible i nei ui, chuleh Pathian min ah i suapi te tawh iki thu hil tua
thei uh ahi, pauchap kawma pathian pakna laa kisa te hin i lungthim uh ahisel leh adamsak sek hi. I ngaitua nau tu’n
gaak tan hitiu, bawl thei kei puangka ti sanga bawl thei zaw ding in.I paukam leh ngaitua nate hile ahawilam ah kilak
in, akal lak beka Pathian lekhabu hi sima i ngaitua nateu sukthak zing zaw taitiu. Thil hawilo lam a panglo in ahawilo
chule gen da mai hitiu. Chuleh zachatnan ngai puai tiu panpi tu i thangai nin le, adiaka thil phalo hun tutthei te apat in.
Thilpa leh ahawi tamtak hi mi genna te leh lekhabu ten ila mu sek ui, hinla zui ngal leh bawl ngal nading in hun ila pe kha sek
lou ahi. Lungthim hiselna ding in i damlai hun chawm khat hiziang lehle mat gua hitiu. Mitampin vang zia hun chawmcha
hi Pathian houna hun inn amang un, chuleh gingtu dangte tawh kipawl khawmnan amang sek ui. Zialo chun pauchapna’n
mihiam ngaitua nate a chawlsak in, khawvel thila hiat zawlo tele ahet dawsak sek hi. Pathian thu hin i het ut teu ei hil chian
sek a, ama tawh kipawl na achun chawldam na, thamuan na leh lungmuan na amu sak sek ahi. Lalpa Jesu ngei inle zia
gual hin eila thumawp hi "Ka ngawngkol hung puau in la, ka kiang in zil un:Lungthim ah nunnem leh kingaitawm ka hi;
tichun, la thagau a ding un chawldamna mu’n lau".Jesu thu i hiat in vang lungthim, taksa leh thagu ah damna ei mu sak ahi.
zillai gazatte sep 07
Changing Attitudes
eimi@rediffmail.com
Gen ngai se se lou ah hiat ziang ding ah
kilawm himaleh Delhi ah um nungak tangval, a
diak in tangval khen khat te umdan leh tawi dan
ki lawm zou lou, a um sek ziakin zia ngaidan
hi ka hun zik ahi zawi. Nam dang khen khat
gual in kham thei bawl leh guchaa zawn vak
ziang um khel lou/tam khel lou leu hin le, I
khawtang hindan uh neu khat a changkang zaw
deu ding in theng thei leu hin doi um kasai.
A poimaw talua le um bek lou ah mi inn
ah chia chia ziang. Chia nalam lam ah muang
den ziang. Mi nawksak di le gel pha se se lou
ah mi inn ah vak vak ziang, zia bep chule hilou
ah zan giak den sek nalai. Mi’n lekha a sim
nuam diam ! ahiloleh privacy deu in hun a mang
nuam diam ti ngaitua sese lou ah mi inn ah chia
ti haw hi ngaitua thak leu hin doi um ka sai.
Delhi ah um atam zaw hi lekha simlai
ahiloleh private company- sun nitum tum, zan
sawt pi pi ahiloleh zan khawvak ah tha chawl tak
ah na sem ngawn I hiu ah, ziaziak chun a poimaw
bek sek lou leh ki ha ve tua sang in kive mun
lou hi I society a din pha zaw ding in ginchak
a um hi. Weekend leh kal van leh chu ki ve tua
leh ki kan thak him di a hi. Ahinlah a huntawk
hi ki hethei sek leh chu pha ding dan ahi.
Eimi te’n I hiat thiam kit ding ah doi um
ma ma chu tulai khovel adiak in Khawpi chia
dan (city life) hi 24X7 ahitai ti man ah, mi inn
ah ut hun hun ah chia ziang lo di ahi. City life
hi 24X7 ahi tawh ki tawn in mi lekha sim hun,
na sep hun hi a chuam chuam ahi ziak in mi inn
ah I chia ding leh ei nawp hun hi lou ah, I chia
na ding te lemchang hun in chia thei sek leu hin
a doi um hi. Eimi ei nai tia ngam thaw ah I ut
hun hun ah va vak lut ziang ti hi tulai khang ading
in a outdated deu tai. Ahithei leh bawn I va
chia ding hun gen masa thei sek leu hin pha pen
ding dan ahi. Gen lawk lou pi mi inn ah va vak
ziang hi ei leh ei ki suk mual phou thei bak ah,
min bang gual program a nei diam ti hiat masak
lou ahi ziak in a inn nei te le kisu nawp maw thei
ahi. Tu apat in Delhi ah um te zosia I khawtang
hinkhua bawl pha thak ding in I kichial uh ahi.
eimi@rediffmail.com
Gen ngai se se lou ah hiat ziang ding ah
kilawm himaleh Delhi ah um nungak tangval, a
diak in tangval khen khat te umdan leh tawi dan
ki lawm zou lou, a um sek ziakin zia ngaidan
hi ka hun zik ahi zawi. Nam dang khen khat
gual in kham thei bawl leh guchaa zawn vak
ziang um khel lou/tam khel lou leu hin le, I
khawtang hindan uh neu khat a changkang zaw
deu ding in theng thei leu hin doi um kasai.
A poimaw talua le um bek lou ah mi inn
ah chia chia ziang. Chia nalam lam ah muang
den ziang. Mi nawksak di le gel pha se se lou
ah mi inn ah vak vak ziang, zia bep chule hilou
ah zan giak den sek nalai. Mi’n lekha a sim
nuam diam ! ahiloleh privacy deu in hun a mang
nuam diam ti ngaitua sese lou ah mi inn ah chia
ti haw hi ngaitua thak leu hin doi um ka sai.
Delhi ah um atam zaw hi lekha simlai
ahiloleh private company- sun nitum tum, zan
sawt pi pi ahiloleh zan khawvak ah tha chawl tak
ah na sem ngawn I hiu ah, ziaziak chun a poimaw
bek sek lou leh ki ha ve tua sang in kive mun
lou hi I society a din pha zaw ding in ginchak
a um hi. Weekend leh kal van leh chu ki ve tua
leh ki kan thak him di a hi. Ahinlah a huntawk
hi ki hethei sek leh chu pha ding dan ahi.
Eimi te’n I hiat thiam kit ding ah doi um
ma ma chu tulai khovel adiak in Khawpi chia
dan (city life) hi 24X7 ahitai ti man ah, mi inn
ah ut hun hun ah chia ziang lo di ahi. City life
hi 24X7 ahi tawh ki tawn in mi lekha sim hun,
na sep hun hi a chuam chuam ahi ziak in mi inn
ah I chia ding leh ei nawp hun hi lou ah, I chia
na ding te lemchang hun in chia thei sek leu hin
a doi um hi. Eimi ei nai tia ngam thaw ah I ut
hun hun ah va vak lut ziang ti hi tulai khang ading
in a outdated deu tai. Ahithei leh bawn I va
chia ding hun gen masa thei sek leu hin pha pen
ding dan ahi. Gen lawk lou pi mi inn ah va vak
ziang hi ei leh ei ki suk mual phou thei bak ah,
min bang gual program a nei diam ti hiat masak
lou ahi ziak in a inn nei te le kisu nawp maw thei
ahi. Tu apat in Delhi ah um te zosia I khawtang
hinkhua bawl pha thak ding in I kichial uh ahi.
