L
amka, Sept 25: Manipur South District Churachandpur ah Kuki-Zomi lak a Officer masapen pente’ lak a khat Major Lalkai Vaiphei tu zingkal dak 6:45 am vel in Aizawl khawpi ah a chenna mun Zemabawk ah damlou in a mualliam a, tu nitaklam in aluang Lamka khawpi zuan ah puak ah um in, zing (Sept 26,2009) nitaklam leh a pianna khua Kangvai thanmual ah vui hiding ahi.
Major Lalkai ahileh, 5th May 1929 in Kangvai khua ah piang ahia, 1950 in pawl X a passed hi. Zia nung achun Delhi ah parliament ah clerk a sem a, zia akipat chun Assam (Gauhati) ah Civil Engineer va zil in, kum 3 course a zawnung in 1957 in North East Frontier Agency (NEFA) nuai ah Public Works Department ah Section Officer a sem a, 1965 kum in Indian Army nuai ah 2nd Lieutenant (Junior Commission) in a lut hi. Ama’n kum tam kuamtak Indian army nuai ah asepnung in Major chanpha atung man hi. Zia chu ahizing lai in Laldenga makaina Mizo National Front (MNF) in Mizo homeland demand abawl uh nasatak ah a chiazing lai in, Major Lalkai Vaiphei chu Engineering course zousa ahiziak in chial a um dungzui in Assam apat piangdawk pai ding Mizoram ah PWD Executive Engineer ding ah chial ah a um dungzui in, 1983 kum in EE (PWD) Mizoram mawpuakna ava lai. Major Lalkai in Mizoram PWD ah kum 4 bang asep nung in government service apat retirement piak in a um hi. Major Lalkai in Vaiphei society sung ah dinmun poimaw taktak ala sem a, VPC (nidang a VNO) ah General Secrtary ala tuk ban in Vaiphei pau a thasin thusua Thuthanna (1953) ah Editor hina ala tuu, Vaiphei Nam ading ah pawl X passed masa 3 na ahi.
Major Lalkai leh azi Lalremmawi @ Mawipuii te March 2 1972 in a kicheng ua, tuni tiang in a chate pawsal khat leh numei 2 in a dampi nalai ui. Seppatni Sept 21 2009 nitaklam in zunthum leh natna chuamchuam ziak in khawhelou a um in, doctor tamtak in nasataka a etkol nung un tuni Sept 25 zinglam dak 6:45 vel in a chenna mun Zemabawk, Aizawl ah damzoulou in ei mualliam san hi. Major Lalkai pianpi suapite ahileh, (late) Nemneikim W/o Lamkam Vaiphei Chief of Kangvai, Paotinlam Vaiphei, (late) Kaikhogin Vaiphei IFS, Nemzakim w/o Kaihau Vaiphei IDAS (Retd), (late) Thongkholal Vaiphei leh Thianngaihchong w/o Pastor Kailun te ahiu. Mithi luang chu Aizawl apat Guite road haw in puak in aum a, nitak dak 12 vel in Tuivai lei ahungtung ua, zing (Sept 26) leh Kangvai ah zana thupitak tawh vuiliam hiding ahi. Major Lalkai thina tawh kisai in Vaiphei Peoples Council (VPC) Gen Hqtrs, Young Vaiphei Association (YVA) Gen Hqtrs leh Zillai (Vaiphei Students Assn) Hqtrs te’n suunthu apuang ua, lusunna tuak innkuante nasatak ah suunpihthu genkawm in, Vaiphei Nampi’n mi manpha mama mansua ahidan a taklang ui.
amka, Sept 25: Manipur South District Churachandpur ah Kuki-Zomi lak a Officer masapen pente’ lak a khat Major Lalkai Vaiphei tu zingkal dak 6:45 am vel in Aizawl khawpi ah a chenna mun Zemabawk ah damlou in a mualliam a, tu nitaklam in aluang Lamka khawpi zuan ah puak ah um in, zing (Sept 26,2009) nitaklam leh a pianna khua Kangvai thanmual ah vui hiding ahi.
Major Lalkai ahileh, 5th May 1929 in Kangvai khua ah piang ahia, 1950 in pawl X a passed hi. Zia nung achun Delhi ah parliament ah clerk a sem a, zia akipat chun Assam (Gauhati) ah Civil Engineer va zil in, kum 3 course a zawnung in 1957 in North East Frontier Agency (NEFA) nuai ah Public Works Department ah Section Officer a sem a, 1965 kum in Indian Army nuai ah 2nd Lieutenant (Junior Commission) in a lut hi. Ama’n kum tam kuamtak Indian army nuai ah asepnung in Major chanpha atung man hi. Zia chu ahizing lai in Laldenga makaina Mizo National Front (MNF) in Mizo homeland demand abawl uh nasatak ah a chiazing lai in, Major Lalkai Vaiphei chu Engineering course zousa ahiziak in chial a um dungzui in Assam apat piangdawk pai ding Mizoram ah PWD Executive Engineer ding ah chial ah a um dungzui in, 1983 kum in EE (PWD) Mizoram mawpuakna ava lai. Major Lalkai in Mizoram PWD ah kum 4 bang asep nung in government service apat retirement piak in a um hi. Major Lalkai in Vaiphei society sung ah dinmun poimaw taktak ala sem a, VPC (nidang a VNO) ah General Secrtary ala tuk ban in Vaiphei pau a thasin thusua Thuthanna (1953) ah Editor hina ala tuu, Vaiphei Nam ading ah pawl X passed masa 3 na ahi.
Major Lalkai leh azi Lalremmawi @ Mawipuii te March 2 1972 in a kicheng ua, tuni tiang in a chate pawsal khat leh numei 2 in a dampi nalai ui. Seppatni Sept 21 2009 nitaklam in zunthum leh natna chuamchuam ziak in khawhelou a um in, doctor tamtak in nasataka a etkol nung un tuni Sept 25 zinglam dak 6:45 vel in a chenna mun Zemabawk, Aizawl ah damzoulou in ei mualliam san hi. Major Lalkai pianpi suapite ahileh, (late) Nemneikim W/o Lamkam Vaiphei Chief of Kangvai, Paotinlam Vaiphei, (late) Kaikhogin Vaiphei IFS, Nemzakim w/o Kaihau Vaiphei IDAS (Retd), (late) Thongkholal Vaiphei leh Thianngaihchong w/o Pastor Kailun te ahiu. Mithi luang chu Aizawl apat Guite road haw in puak in aum a, nitak dak 12 vel in Tuivai lei ahungtung ua, zing (Sept 26) leh Kangvai ah zana thupitak tawh vuiliam hiding ahi. Major Lalkai thina tawh kisai in Vaiphei Peoples Council (VPC) Gen Hqtrs, Young Vaiphei Association (YVA) Gen Hqtrs leh Zillai (Vaiphei Students Assn) Hqtrs te’n suunthu apuang ua, lusunna tuak innkuante nasatak ah suunpihthu genkawm in, Vaiphei Nampi’n mi manpha mama mansua ahidan a taklang ui.
