Delhi nipi thuakla kisa deu-in ka pindan neucha
sungah kaneizaw sunsun fan (atiu haw khuh)
kavak ON ah, chutna chung ah ka keng heltua
zetzat kawmin (mi a gualin sau beklo lele). Ka
ngaituana ala za’mvel achun hitihi ahung hia…
Khawimun bepah va’klu’t kha kata diam mi
tamtak kamu sausau ah. Melhiat tawh, melhiatlo
tawh a phuvel sausau ua, Vaiphei pau bang
a gilak lak ah. Kenle ki chang kang sak deu-in
melhette bang kavak "Hi" deuhvel zatzat ah.
Awle, ziamun chu kavak fang sa’u deudeu leh
khawitak dang hilo-in "ngawliness", " thringtility"
ti haw I nutsia zawnung kei ua I khawsak
nagam uchuh ala hia. Kigensiat, kichuam bawlna,
mani masialna, chapona (bang le hingello
napi) tihaw zosia umtaklo namun chuh ala hita
mai ah. Vangam vang ahinai sampuai. "Khawzim"
khua atiu khala hi puantin ti kawmkawm
in ka chia theng zel ah…
Duthusam zosia mualsuana mun, tuan ah Pi leh
Pu ten ‘go manpha’, Tawmngaina kiti eila nutsia
namun uchuh ala hia. Zia chu ei-uh khangthak
tenle zulzauna kiti zosia hemil ah tawmngai
takah nasep namun ala hizaw dan ahi.
Tulai mite’n igen thu li’psi’p uh ’globalization’
tivel hetphak inle ka vanei puai. VAIPHEILINIZATION
ti bepbep chuh ka hiatmun
pen leh kava buaipi thupi pen chuh ahi mai
hi.Kithugual tak leh hinkhua nuam takah khosak
namun chuh kenle ka khela mama, khawvel
thak atiu chu ata dia aw kati hial ziang hi.
Umden ziang ding ah lung ka gel lai-in…..
Meivak (current) ahung mit ah, fan kipei lai
chule ahung chawlta, ahung lum hehu phat
achun; ka ngaituana, ka lunggel ah suantuana
gamah ala khualzin cha’m mai kahi kahung kihedawk
thut tai. Bangmalo mai ala hi…
Chut munah duthu sa’m mai lo-ah, kipandawk
in, TAK CHAPA ti’n, I lungtup teu mualsua
thei chiat dingin leh zuun zo zawsem dingin
khat lawna ahung hizaw tai.
0 comments:
Post a Comment