Manipur Board nuai a Cl-XI & Cl-XII ah Vaiphei MIL

M

.Chandramani Singh, Dy. Secy. Education (S) in No.20/1/07-SE (S) dated 25/4/2009 thusua a bawl dungzui
in tukum academic session akipat, Council of Higher Secondary Education, Manipur nuai ah Class XI leh XII
te chun MIL ah Vaiphei chu subject khat ah chawi thei ding ahi tau. Zia thu tawh kisai ah Vaiphei Literature
Society Pu Tongneilal Vaiphei chun a hun hiatsak dan achun, text book leh a pawimaw bangkim sukfel ahitak
ziakin 2009 academic session akipat chawi thei ding ahidan a gen hi. Chuleh, Class VIII te’n le Vaiphei chu
subject khat ah chawi thei dingin Manipur government chun phalna ala pe ta, himaleh text book zawthian ahi
nailo ziakin a chawi um nailo ahidan le thutut a kimui. Zia lawtinna ding ah panla Vaiphei Literature Society
puitu te leh houtu chungin Zillai CCpur Block in lunggil tak in kipak thu a puang zui ngal ui. Gam leh Nam
a ding ah gim leh chawl khawksalo ah a nasep na teu thawnlo ding ahi ti kawm in Zillai te’n bangtik lai inle
hemil thei himhim lo ding ahi.

Share

Blogger Widgets