Achiata nisim July 15, 2007 (Pathianni) nikhan, Zillai
Delhi Branch (ZDB) in Pu. T. Manga Vaiphei, Manipur Innpi
ah siamang [MLA], kipakpina suklatna, zillai office ah
nei ala hi.
Ziana ahin Pu. Manga’n le holimna leh, adiaka zillaite adingah
pawimaw takte, thumawpna a nei hi. "Zillai hi I nam
kituakna dingah pan latu leh zillaite zilna lamah a macha’l
theina dingua tawsawntu ahi ding ahi."
Vaipheite siamang neisun in a ‘experience’ (thil alatuakkhaksate)
apatin, zillai lawi upa pan hi thil tha’tnawp um
hi bek ahi lo da’n le agen hi.. Zillai, zillai tia i gil vathei
le hilo; achang le, zillai na-leh-kin ah chiasuk chiatona leh
telephone bawlna te’n mimal sum leh hun tampi seng angai
sek da’nle agen hi. Ziana chungah chuh gensiatna bang
le acha’ng le dawnsek dingle ahi nalai hi. Chun, Zillai hi
politcs tawh kisailo pawlpi (non-political organization) ahi
da’n chian tak in agen hi.I MLA puu hi kum 9 (kua) Zillai
Hqrs (NEI) President hina le ala tu; zia hun sung ah politics
thu him him Zillai pawlpi pansan ah kigen/holim ngailou ahi
da’n le hiat ahi.
Pu. T. Manga’n, zillai lamkai ala hilai ah a thil tuak agenna
kitna chun, "nikhat vaigei deu-in Zillai ah kalawite tawh inn
katung ua, ann huan thak sak angaita, ahileh, kapa’n hitia
hin eila ho hi – ‘keiuh missionaryte hi kachiana lam lam ua
mi’n ann ne dingin ei chial sek ui, nanguh zillai lamkai, asu’n
aja’n ah buai te’n ann nek di cha le neilo la hiu vem?’" atia.
Pu Mang hin Zillai, igam, inam hepi leh it takzet ahida’n leh
theitawp ah pa’n ala lak da’n te chian zaw diak ah hiat ahia.
Ama leh Pu Genneikhup te’n Delhi ah zillna leh sepna tawh
kisai ah Vaiphei te aa ding ah dawisakna ziaka gennawp (leh
panpinawp) tampi anei uh agenlang ui.
ZDB sik a, houtute’n kingainatna annkuang a sawk khawmpi
banin, dawisak takin khiangkawi khat gel, ama leh Pu. Genneikhup
sil sakna nei ahi. Pu. T. Manga inle zillaite a dingah
thumawp pawimaw a piak bep hiloin, sum sangnga (Rs.
5000/-) in Zillai, Delhi Branch za’ngvukna abawl hi.
0 comments:
Post a Comment